Kultur Jarduerak
Sail honen bidez kutxak kultura, prestakuntza eta aisiari loturiko hainbat jarduera bultzatu nahi ditu, behar denean horiek sustatuz eta/edo finantzatuz.Berak antolatutako jardueren artean Donostiako Andia Aretoan egiten diren Kontzertitz izeneko kontzertuak aipatu behar dira; musika eta bere alderdi guztiak zabaltzea eta ezagutaraztea dute helburu.
Aldi berean, laguntza eta finantzaketa jasotzen dituzten kultur ekintzak eta ekitaldiak ere nabarmendu behar dira:
- Lankidetza EGOrekin (Euskal Herriko Orkestra Gaztea)
- Finantzaketa Tolosako Abesbatzen Lehiaketan
- Donostiako Jazzaldia
- Musika Hamabostaldia
- Euskadiko Orkestra Sinfonikoaren Miramongo Matinéeak
Kutxak laguntza eman du Ataungo Joxemiel Barandiaran Museoa, Irungo Oiasso erromatar Museoa, Beasaingo Igartza monumentu-multzoa eta abar finantzatzeko.
Aldi berean, Gipuzkoako udalei eskaintza berezia egiten diegu, erabat doan: dibulgazio-hizketaldiak, erakusketak (pintura, argazkia, eskulangintza, etab.), musika-kontzertuak, ikus-entzunezkoen emanaldiak, zinema-emanaldiak eta antzerki-lanak. Hala, 80 kultura-jardueratik gorako eskaintza egiten dugu urtero-urtero, hau da, 300etik gora ekitaldi antolatzen ditugu.